مروان الامين
حول الاعتراضات التي واجهها نواف سلام خلال جولته في الجنوب.
من تداعيات الحرب انها خلقت م جموعة من الأسئلة عند الناس، ما بيقدر حزب الله يجاوب عليها.
١- ليه اسرائيل بعدها موجودة بالجنوب؟ ما بيقدر حزب الله يصارح الناس ويقلها اننا انهزمنا وكنا بوضع عسكري كارثي، لذلك ما قدرنا نفرض شرط انسحاب فوراً وبالكامل لحظة اعلان اتفاق وقف اطلاق النار. وكمان ما بيقدر يصارح الناس ويقلها انه عاجز عن قلب الطاولة والعودة للعمل العسكري لإستعادة الأراضي وطرد اسرائيل لأن وضعه العسكري مأساوي.
٢- اي متى بدنا نرجع نعمّر بيوتنا ونرجع ع قُرانا؟ ما بيقدر حزب الله يقول للناس انه ما قادر يوفي بوعده باعادة الاعمار، وكمان ما قادر يقلهم انه رافض يتخلى عن ما تبقّى من منظومته العسكرية وهيدا شرط ت الدول تساهم بإعادة الاعمار. يعني كرمال مشروع وحدة الساحات الايراني دمرتلكم بيوتكم، وما قادر عمّرلكم بيوتكم، وكمان كرمال المشروع الايراني متمسك بمنظومتي العسكرية وعم بمنع دول العالم تعمّرلكم بيوتكم.
عدم الحصول على أجوبة عم يولّد غضب كبير عند الناس. ولأن حزب الله مش قادر يقدّم اجوبة للناس ويتحمل مسؤوليته، عم يعتمد خطة منهجية، سياسياً واعلامياً وعلى السوشيل ميديا، لتوجيه غضب الناس ضد نواف سلام وجوزيف عون والدولة.
